Taispeánann an t-aonad seo an dóigh le ‘Cú Chulainn, an tSraith Bheoite’ a úsáid le cruthaitheacht agus úsáid TFC a chur chun cinn. Tá sé mar aidhm ag an aonad seo an t-eolas, na teicnící agus an cur chuige a chur ar fáil do mhúinteoirí a fhágfaidh go mbeidh daltaí ábalta scéal digiteach, beochán gairid agus fuaimrian ceoil dá gcuid féin a chruthú chun saol na gCeilteach a fhiosrú. Cuirfear daltaí ar an eolas faoi Theanga na Scannánaíochta agus faoi na croíscileanna a bhaineann le scannán a dhéanamh, ar a n-áirítear clár scéil a dhéanamh, líníocht, scéalaíocht dhigiteach, físeán a chur in eagar, beochán agus fuaimrian ceoil a chruthú (réimsí ar féidir gach ceann acu a mheasúnú trí scéim chreidiúnaithe CCEA in 'Úsáid TFC').