Measúnú agus Tuairisciú

I dtaca leis an mheasúnú:

• ba chóir go gcuirfeadh agus go dtacódh sé le príomhaidhmeanna Churaclam Thuaisceart Éireann;
• ba chóir go mbeadh sé oiriúnach don fheidhm;
• ba chóir go mbeadh sé soláimhsithe; agus
• ba chóir go dtacódh breithiúnais ghairmiúla chomhsheasmhacha iontaofa an mhúinteora leis an mheasúnú.

De bhrí gurb ionann cuspóir an teagaisc agus cuspóir an mheasúnaithe – cuidiú le daltaí foghlaim – is gá do mhúinteoirí iad a phleanáil mar ghnéithe comhlántacha d’aon ghníomhaíocht amháin. Thig le múinteoirí cineálacha éagsúla measúnuithe a úsáid le heolas a bhailiú. Thig leo an t-eolas sin a úsáid ar mhaithe le réimse cuspóirí, mar shampla:

I mBlianta 8 go dtí 10, déanann múinteoirí measúnú ar dhul chun cinn daltaí sa churaclam reachtúil (na Scileanna Traschuraclaim, na Réimsí Foghlama agus na Scileanna Smaointeoireachta agus Ábaltachtaí Pearsanta) agus tuairiscíonn siad an dul chun cinn do thuismitheoirí.

I mBlian 10 tá riachtanais bhreise deireadh eochairchéime ann maidir le measúnú agus tuairisciú. Féach an rannán Na Scileanna Traschuraclaim a Mheasúnú le tuilleadh eolais a fháil.

Cuireann Curaclam Thuaisceart Éireann béim ar mhodhanna gníomhacha foghlama. Mar sin de, spreagann CCEA múinteoirí le measúnuithe a chruthú i gcomhthéacsanna fiúntacha agus ba chóir go mbainfí úsáid as straitéisí measúnaithe múnlaitheacha ar nós Measúnú chun Foghlama.

Tá réimse uirlisí agus áiseanna againn le tacú le measúnú sa tseomra ranga. Roghnaigh tíl thíos le tuilleadh eolais a fháil.