Forbairt Fhisiceach agus Gluaiseacht
Is Réimse Foghlama sa Bhonnchéim Forbairt Fhisiceach agus Gluaiseacht. Tugtar deis do pháistí taithí a fháil ar réimse bunscileanna gluaiseachta agus iad a fhorbairt. Cuidíonn na scileanna sin le comhordú, gluaiseacht, rialú, cothromaíocht agus láimhsiú a fheabhsú.
Ba chóir do mhúinteoirí páistí a chumasú le heolas, tuiscint agus scileanna a fhorbairt sna gnéithe seo a leanas:
- Lúthchleasaíocht
- Damhsa
- Cluichí
- Gleacaíocht.
Cuidíonn Forbairt Fhisiceach agus Gluaiseacht le páistí muinín agus féinmheas a fhorbairt. Nuair a ghlacann páistí páirt i ngníomhaíochtaí coirp, tosaíonn siad a chur eolas ar chleachtais shábháilte agus ar an bhaint atá ag gníomhaíocht choirp le dea-shláinte.
Ba chóir deiseanna a bheith ag páistí bheith páirteach i ngníomhaíochtaí coirp ar bhonn laethúil, taobh istigh nó amuigh faoin aer. Gníomhaíochtaí ar nós súgradh fisiceach agus seisiúin phleanáilte rialta Corpoideachais atá i gceist anseo. Molann an Roinn Oideachais do scoileanna dhá uair an chloig ar a laghad de Chorpoideachas curaclaim a chur ar fáil in aghaidh na seachtaine. I ngníomhaíochtaí pleanáilte, ba chóir deis a bheith ag páistí bheith ag obair ar bhonn aonair, i bpéirí agus i ngrúpaí beaga.
Tagann páistí ar scoil lena gcuid taithí féin ar ghluaiseacht. Ba chóir do mhúinteoirí cuidiú le páistí a gcuid bunscileanna gluaiseachta a fhorbairt. Tá siad seo ríthábhachtach maidir le sláinte fhadtéarmach, folláine agus forbairt fhisiceach.
Le tuilleadh sonraí a fháil, féach na Riachtanais Reachtúla ar Fhorbairt Fhisiceach agus Luaile sa Bhonnchéim.
Scileanna agus Ábaltachtaí an Churaclaim Iomláin
Caithfidh deiseanna a bheith ag páistí na Scileanna Traschuraclaim (Cumarsáid, Úsáid na Matamaitice agus Úsáid TFC) agus na Scileanna Smaointeoireachta agus Ábaltachtaí Pearsanta a fhorbairt trí Fhorbairt Fisiceach agus Gluaiseacht.
Áiseanna
Curaclam Thuaisceart Éireann Bunscolaíocht (Gaelscolaíocht)
Curaclam Thuaisceart Éireann Bunscolaíocht (Gaelscolaíocht)
Foghlaim Tríd an Súgradh sna Luathbhlianta
Ba é an Early Years Interboard Panel a thiomsaigh an leabhrán seo mar fhreagairt ar iarratais ó chleachtóirí i suíomhanna Luathbhlianta le treoir a
Bunscileanna Gluaiseachta a fhorbairt
Is é an aidhm áta leis an áis seo tacú le múinteoirí agus le cúntóirí Forbairt Fhisiceach sa Bhonnchéim a phleanáil, a theagasc agus a mheasúnú de
Na Dódaí
Forbraíodh na háiseanna ar an leathanach seo le húsáid in éineacht le Sraith 1 agus 2 den chlár teilifíse Na Dódaí, atá dírithe ar pháistí 3 go 5 b
Déan Damhsa Liom
Baineann na háiseanna ar an leathanach seo leis an tsraith teilifíse Déan Damhsa Liom.
Learning Outdoors in Pre-school and Foundation Stage
This resource provides guidance for those working with children in pre-school and foundation stage.
Mórphictiúr an Churaclaim don Bhunscolaíocht
Mórphictiúr an Churaclaim don Bhunscolaíocht
Déan Teagmháil Linn
Le tuilleadh eolais a fháil ar Forbairt Fhisiceach agus Gluaiseacht, déan teagmháil le: