Leideanna nó Comharthaí Infheicthe den Chomhtholgadh

(An méid a fheiceann tú)

Is féidir ceann amháin ar bith nó níos mó de na leideanna infheicthe seo a chur in iúl go bhfuil comhtholgadh ar dhuine:

• Caillteanas comhfheasa nó freagrúlachta
• An duine ina luí gan bhogadh ar an talamh nó moill air éirí den talamh
• An duine a bheith corrach ar na cosa/fadhbanna cothromaíochta nó ag titim nó easpa comhordaithe
• Dreach trí chéile, gan tuiscint nó folamh
• Moill air ceisteanna a fhreagairt
• Trí chéile, nó gan aird ar an chluiche ná ar rudaí atá ag tarlú ar an pháirc
• Greim ag an duine ar a chloigeann nó a lámh ar a chloigeann
• Taom turrainge nó tritheamh
• Staidiúir thónach – é ina luí righin nó gan bhogadh mar gheall ar fhreanga matán (d’fhéadfadh an chuma a bheith ar an duine go bhfuil sé/sí gan aithne gan urlabhra)
• Níos maoithní nó níos cantalaí ná mar is gnách don duine sin
• Urlacan

Siomptóim den chomhtholgadh ag am gortaithe nó go gairid ina dhiaidh

(Cad é a deirtear leat nó cad é faoi ar chóir duit fiafraí)

Má tá aon cheann amháin ar bith nó níos mó de na comharthaí agus siomptóim seo ar an duine, d’fhéadfadh comhtholgadh a bheith ar an duine:

Bainistiú láithreach ar chomhtholgadh amhrasta

Má shíltear gur féidir comhtholgadh a bheith ar dhuine ar bith, ba chóir an duine sin:

A BHAINT DEN CHLUICHE LÁITHREACH.

IN AMHRAS FAOI? CUIR AR AN BHINSE É!

• Nuair a bhaintear amach as an imirt é, ní mór gan ligean don imreoir filleadh ar an ghníomhaíocht arís an lá sin, ná go dtí gur dheimhnigh gairmí cúraim sláinte nach bhfuil comhtholgadh ar an duine agus gur chomhlánaigh an t-othar clár céimnithe fillte ar ghníomhaíocht (oideachas nó obair) agus ar chlár spóirt.
• Má tá gortú muiníl amhrasta ann, níor chóir ach gairmí cúraim sláinte le hoiliúint chuí é a bhogadh.
• Comhimreoirí, cóitseálaithe, oifigigh chluiche, bainisteoirí foirne, riarthóirí, tuismitheoiri nó cúramóirí a bhfuil amhras orthu go bhfuil comhtholgadh ar dhuine, NÍ MÓR DÓIBH a ndícheall a dhéanamh lena chinntiú go mbaintear an duine den imirt ar dhóigh chomh gasta agus chomh sábhailte agus is féidir.

Ba chóir agus Níor chóir

Duine ar bith a bhfuil comhtholgadh amhrasta air, ba chóir:

• é a bhaint den imirt láithreach;
• é a chur faoi mheasúnú ó ghairmí cuí cúraim sláinte ar an láthair nó teagmháil a dhéanamh leis an NHS ach scairt a chur ar 111 taobh istigh de 24 uair a chloig den eachtra;
• sos agus codladh a fháil de réir mar is gá do na chéad 24 go 48 uair a chloig agus gníomhaíochtaí éadroma an ghnáthlae a dhéanamh agus a bheith ag siúl, rudaí a chuidíonn leis an téarnamh; agus
• gan fóin phóca, scáileáin agus ríomhairí a úsáid chomh fada agus is féidir do na chéad 48 uair a chloig ar a laghad, mar léiríodh go bhfeabhsaíonn sin an téarnamh.

Duine ar bith a bhfuil comhtholgadh amhrasta air, níor chóir:

• é a fhágáil leis féin sna chéad 24 uair a chloig;
• dó alcól a ól sna chéad 24 uair a chloig agus/nó má leanann siomptóim; nó
• dó mótarfheithicil a thiomáint taobh istigh de na chéad 24 uair an chloig (más tiománaí tráchtála an duine, ba chóir go ndéanfadh gairmí cuí cúraim sláinte athbhreithniú air sula dtosóidh sé ag tiomáint arís).

Bratacha dearga – rudaí a bhfuil measúnú práinneach leighis de dhíth orthu

Ba chóir go bhfaigheadh an t-imreoir measúnú práinneach leighis ó ghairmí cuí cúraim sláinte ar an láthair nó i rannóg Timpistí agus Éigeandála (T&E) in ospidéal, ag úsáid aistriú éigeandála otharchairr más gá, má thugtar ceann ar bith de na bratacha dearga seo faoi deara nó má thuairiscítear ceann ar bith acu:

• caillteanas comhfheasa ar bith mar gheall ar an ghortú;
• comhfhios ag éirí níos measa (níos codlataí);
• aimnéise (easpa cuimhne) ar ghníomhaíochtaí roimh nó i ndiaidh an ghortaithe;
• mearbhall nó cantal ag dul i méid;
• athrú neamhghnách ar iompar an duine;
• easnamh néareolaíoch ar bith nua, mar shampla:
• deacrachtaí le tuiscint, labhairt, léamh nó scríobh
• braistint laghdaithe
• cothromaíocht a chailleadh
• laige
• radharc dúbáilte
• taom, tritheamh nó preabarnach na ngéag nó an duine a bheith ina luí righin/gan bhogadh mar gheall ar fhreanga matán;
• tinneas cinn trom nó atá ag dul i méid;
• urlacan arís agus arís eile;
• pian throm sa mhuineál;
• amhras ar bith go bhfuil blaosc an duine briste (mar shampla gearradh, ballbhrú, at, pian throm ag láthair an ghortaithe);
• stair roimhe sin d’obráid ar an inchinn nó de neamhord fuilithe;
• teiripe reatha tanaithe fola; nó
• meisce reatha le drugaí nó le halcól.