Teanga agus Litearthacht

Fios Fuaimeanna Fios Fuaimeanna

Tá Fios Fuaimeanna ag tacú leis an phróiseas teagaisc agus foghlama maidir le fuaimeanna na gconsan a aithint mar aon le feasacht fóineolaíochta a fhorbairt. Is sraith póstaer atá ann a chuideoidh le páistí dul i dtaithí ar fhuaimeanna chonsain na Gaeilge ag tús focal agus iad ag dul i ngleic leis an chéim thosaigh i bpróiseas foghlama teanga agus litearthachta sa Bhonnchéim. Sa phacáiste seo, déantar iarracht deis a thabhairt do mhúinteoirí páistí a spreagadh le túschonsain, fuaimeanna agus patrúin a théann le focail a fhiosrú mar chéad chéim i dtreo litreacha a thuiscint. Tá sraith focal ar gach póstaer a bhaineann le consan ar leith. Cuirtear na focail i láthair sna póstaeir mar íomhánna agus iad comhcheangailte le chéile mar chuid de théama ar leith, mar shampla Páistí sa Pháirc agus An Bóthar Buí. Baineann cuid de na póstaeir le consan amháin agus tá póstaeir eile ann a bhfuil meascán consan iontu. Tá na focail ábhartha ar fáil ar chúl na bpóstaer agus thig leis an mhúinteoir na focail seo a úsáid leis na túsfhuaimeanna a mhúineadh.

An Clár Luathléitheoireachta An Clár Luathléitheoireachta

Is toradh ar chomhfhiontar idir CCEA, an tÁisaonad agus COGG iad na háiseanna seo. Tacaíonn siad leis an Chlár Luathléitheoireachta a d'fhorbair an tÁisaonad. Tá gníomhaíochtaí ann do Bhanda 1, 2 agus 3. Tá sraith póstaer ann fosta is féidir a úsáid le plé a spreagadh ar leabhair Bhanda 1 agus 2. Tá pointí teagaisc chomh maith le moltaí don phlé ar na póstaeir.

Túsfhuaimeanna Túsfhuaimeanna

Is sraith bheag leabhrán í seo a chuideoidh le páistí dul i dtaithí ar chuid d'fhuaimeanna na Gaeilge ag tús focal agus iad ag dul i ngleic leis an luathléitheoireacht. Baineann gach leabhrán le túsfhuaim ar leith agus tá íomhánna gleoite iontu a léiríonn gach focal. Clúdaítear 23 túsfhuaim ar fad, gutaí gairide agus gutaí fada san áireamh.

Chomh maith leis na leabhráin iad féin, tá sraith póstaer ann le tacú leis an phlé ar na túsfhuaimeanna, agus tacar spléach-chártaí is féidir a ghreamú de na póstaeir nó a úsáid le cluichí a imirt.

Dréimire Dréimire

Micreashuíomh idirghníomhach a thacaíonn leis na leabhair sa tsraith Dréimire.

Leagan leictreonach de chomhaid an mhúinteora

Downloads

Túsfhuaimeanna
20.01 MB - uploaded 26-02-2014